O Concello de Pereiro de Aguiar pon en marcha unha nova edición do II Summer Camp Pereiro. Esta proposta de lecer e deporte está dirixida a rapaces e rapazas nados entre os anos 2009 e 2015, e desenvolverase os días 3, 4 e 5 de xullo en Manzaneda.
O campamento contará cun amplo programa de actividades de aventura e convivencia na natureza, entre as que destacan o rocódromo, o senderismo, a piscina, os vivacs, os xogos e as actividades de orientación, ademais do uso da telesilla e outras propostas ao aire libre.
O II Summer Camp Pereiro ofrecerá aventura e deporte en xullo
A iniciativa está organizada en réxime de pensión completa e inclúe tamén as actividades de montaña previstas durante os tres días de estancia. O número de prazas será limitado, cun mínimo de 25 participantes e un máximo de 35.
As inscricións abriranse o vindeiro 20 de maio e permanecerán dispoñibles ata o 2 de xuño. O prezo establecido para participar nesta actividade será de 105 euros.
Os responsables municipais convocan ademais unha reunión informativa o martes 30 de xuño ás 20:00 h no Auditorio do Centro de Día dos Gozos. O obxectivo é resolver dúbidas das familias participantes e explicar o funcionamento do campamento.
