A VI Cata Sonora volverá converter o Museo do Viño de Galicia, situado en Santo André de Camporredondo, nun punto de encontro para a música e a cultura durante os meses de xullo e agosto.
O ciclo, que alcanza a súa sexta edición, reunirá artistas de diferentes estilos nun escenario singular como é a terraza exterior do museo.
A VI Cata Sonora regresa ao Museo do Viño de Galicia con catro concertos
A iniciativa aposta pola promoción da boa música, a cultura e o etnoturismo na comarca do Ribeiro. Esta proposta ofrece actuacións ao aire libre nun espazo caracterizado pola tranquilidade do seu entorno e polas vistas ao solpor.
O programa deste ano inclúe catro concertos con propostas musicais variadas. A cantante Raposa abrirá o ciclo o 2 de xullo, mentres que Abril Fado Atlántico actuará o 9 de xullo. Xa en agosto será a quenda de The Blues Moonshiners, o día 6. Paulo Pascual ofrecerá un espectáculo de theremin e outros complementos musicais o 28 de agosto.
Todas as actuacións comezarán ás 21:00 h e terán entrada libre ata completar o aforo. Ademais, ao remate de cada concerto, as persoas asistentes poderán degustar unha copa de viño nunha zona lounge habilitada para a ocasión.
A Cata Sonora consolídase así como unha das citas culturais do verán no Museo do Viño de Galicia, combinando música en directo, patrimonio e enoturismo nun enclave de referencia para a comarca.