Pechan polo Magosto un tramo da rúa Progreso ó estar prevista a actuación da Orquestra Olympus este luns, 11 de novembro.
Esta actuación que forma parte da programación municipal para celebrar o día de San Martiño, provocará modificacións na circulación.
Pechan polo Magosto un tramo da rúa Progreso
O tramo afectado é o comprendido entre a baixada á Praza de Abastos e o cruce coa rúa Parada Justel. O corte ó tráfico comezará ás 13h e rematará unha vez finalizada a actuación da orquestra. Estas alteracións tamén afectarán ó estacionamento de vehículos. Durante o horario de corte da circulación, tampouco se permitirá estacionar na rúa de baixada á Praza de Abastos e en Parada Justel.
