A primeira competición do ano para o trampolín do CXP, a Copa Galicia de Trampolín, pechouse cun gran balance de medallas para os seus ximnastas.
Entre os resultados máis destacados, Breixo Miranda Fernández, Iker García Martínez e Saúl Rodríguez Rodríguez acadaron o ouro en trampolín e sincronismo.
O CXP brilla na Copa Galicia de Trampolín
Fabio González Fernández logrou o bronce en trampolín e o ouro en sincronismo, mentres que Mario Monteagudo Blanco conseguiu a prata en ambas disciplinas.
Outros deportistas do club tamén subiron ao podio: Daniela Rodríguez Augusto foi prata en sincronismo, Hugo Rodríguez Pérez acadou a prata en trampolín e o ouro en sincronismo, e Diego Rodríguez Pérez, Pedro Castaño Garrido e Mateo Rodríguez Pérez lograron a prata en sincronismo.
Iván Pacios Miguel e Mateo Rodríguez Pérez quedaron en cuarta posición en trampolín, mentres que Marta Rodríguez Cancio finalizou oitava na mesma proba.
O CXP demostrou un gran nivel nesta competición, sumando numerosas medallas e deixando boas sensacións para o resto da tempada.
