O subdelegado do Goberno en Ourense, Eladio Santos, participou este martes na inauguración da xornada técnica “Arquitectura, construción e pizarra en Valdeorras: un diálogo cara o futuro de Ourense”.
O acto de inauguración tivo lugar no Centro Cultural Marcos Valcárcel.
Valdeorras aposta pola lousa como motor de futuro
O encontro reuniu expertos do sector mineiro e da construción para debater o papel da lousa no desenvolvemento sostible e económico da provincia.
Durante o acto, Santos salientou a importancia do sector da lousa, cualificándoo como “estratéxico para o Goberno de España”. Así o reflicte o Plan de Acción das Materias Primas Minerais 2025-2029, elaborado polo Ministerio para a Transición Ecolóxica e o Reto Demográfico, que recoñece a relevancia de recursos como a lousa para a industria e a transición ecolóxica.
A xornada tamén serviu para abordar as oportunidades que ofrece o uso da lousa en arquitectura contemporánea, así como os retos que afronta o sector en materia de innovación, sustentabilidade e valorización do produto galego. A comarca de Valdeorras, principal produtora de lousa en España, xogará un papel clave neste proceso.