O Concello de Ourense destinará este ano un total de 104.145,57 euros para apoiar 88 actividades organizadas polas asociacións veciñais da cidade, segundo informou a Concellería de Participación Cidadá, dirixida por Antonio Fernández.
Esta achega enmárcase na convocatoria anual de subvencións municipais para entidades veciñais, cuxo obxectivo é impulsar o asociacionismo e fomentar a participación cidadá ao longo de 2025.
O Concello de Ourense apoia 88 actividades veciñais con máis de 104.000 euros
As axudas permitirán ás asociacións financiar o seu funcionamento e desenvolver programas sociais, culturais e formativos, en consonancia co Plan Estratéxico de Participación Cidadá deseñado polo goberno local.
As entidades beneficiarias deberán xustificar o uso das subvencións antes do 30 de decembro de 2025, segundo establece a resolución aprobada polo Concello.