O Club Burgas protagonizou unha destacada actuación na Copa Deputación 2026, celebrada este sábado 30 de maio no polideportivo municipal de Celanova, ao lograr un total de 56 medallas entre as modalidades de trampolín e ximnasia acrobática.
Na competición de trampolín, na que participaron catro clubs da provincia de Ourense, a entidade ourensá acadou 34 medallas. Estas foron 15 ouros, 12 pratas e 7 bronces entre os aparellos de tumbling e minitramp.
O Burgas conquista 56 medallas na Copa Deputación
Os mellores resultados chegaron en tumbling, cun balance de 9 medallas de ouro, 7 de prata e 4 de bronce. En minitramp, os ximnastas do Burgas conseguiron 6 ouros, 5 pratas e 3 bronces. Ademais, o club destacou especialmente na categoría infantil de tumbling, onde logrou ocupar o podio completo tanto na competición feminina como na masculina.
Pola súa banda, na modalidade de ximnasia acrobática, na que o Burgas é o único representante da provincia, os deportistas sumaron outras 22 medallas: 9 ouros, 7 pratas e 6 bronces.
Desde o club tamén puxeron en valor a elevada participación rexistrada nesta edición da Copa Deputación. Esta competición reuniu en Celanova a un gran número de ximnastas das diferentes escolas e entidades deportivas da provincia.
