O grupo socialista propón crear refuxios climáticos, reforzar a prevención de incendios e mellorar a protección das persoas vulnerables.
A candidata socialista á Alcaldía, Natalia González, lembrou que o seu grupo impulsou en 2025 unha moción para reclamar a elaboración do plan, aprobada polo Pleno.
O PSdeG presenta 11 alegacións ao Plan de Emerxencias de Ourense
O PSdeG de Ourense presentou 11 alegacións ao Plan de Emerxencias Municipal (PEMU) para mellorar a prevención e a resposta ante situacións de risco.

Entre as propostas figuran a creación dunha Rede Municipal de Refuxios Climáticos, protocolos fronte ás vagas de calor e medidas específicas para protexer persoas maiores que viven soas, persoas con discapacidade e persoas sen fogar.
As socialistas tamén reclaman planificar as evacuacións nas zonas con risco de incendio, mellorar os sistemas de alerta, crear un mapa dixital de riscos e preparar centros de acollida.
Ademais, propoñen avaliar anualmente a aplicación do PEMU mediante unha memoria que recolla simulacros, formación e incidencias.
González advertiu de que «un Plan de Emerxencias non pode quedar nun documento» e reclamou persoal formado, servizos preparados e recursos para garantir a protección da veciñanza.

