Colaboraciones

«Cando fas aquelo no que cres”

“Cando fas aquelo no que cres”Xurxo Doval Blanco, secretario xeral de Xuventudes Socialistas de Ourense.

Cando fas aquelo no que cres, aquelo onde os sentimentos e os impulsos do corazón superan, en ocasións, á rixidez do positivismo racional e, noutras, pechan unha paz interna con el, quedando a medio camiño, sénteste forte, reconfortado contigo mesmo. Doutra banda, a tempestade da decepción, de faiar a alguén, do medo de non chegar ao final, escurecen os teus pensamentos.

Durante os últimos case 4 anos non houbo ningún día onde a enerxía e a forza me languidecesen, en parte por todos os bos momentos e retos que dende XSG Ourense nos puxemos e superamos, pero tamén os houbo difíciles. Momentos nos que a impotencia enchía o corazón.

Grazas ás amizades de fóra da política, mais sobre todo de dentro dela, as que fixen polo camiño, estiveron aí empurrando porque estabamos convencidos, e convencidas, de que facíamos o correcto (non por nós, se non pola cidade), e ao final superábamos como unha familia as dificultades.

Xurxo Doval Blanco

Cando fas aquelo no que cres

E cando un reflexiona sobre o vivido, sobre o feito; cando un se derrete pola calor do agarimo e dos abrazos dos seus compañeiros e compañeiras polas infinitas experiencias pasadas; o único no que pensa é en que non se arrepinte de nada, e eu non o fago. Afilieime con 14 anos (en verán de 2014) sendo un mozo bastante tímido e nos últimos anos coñecín persoas incribles que, dun xeito ou doutro, me ensinaron a vivir, a gozar facendo o que más me gustaba e polo que non tiña que pasar vergoña: acción política no PSOE.

Dende entón foron moitas as burlas as que tiven que vivir na adolescencia, aínda hoxe escoito algunha, non obstante nunca me importou porque a política é para a xente valente, para a xente que non se resigna e non se limita a arranxar o país dende un sofá, dende un bar ou dende as redes sociais. A rúa, as escolas, as universidades, as asociacións… todos os recunchos dunha vila, dunha cidade, dunha provincia, dunha comarca, teñen algo que dicir ou algo do que aprender nós.

En definitiva, a política é unha forma de entender o mundo, vocacional, porque aquela persoa que verdadeiramente a vive con intensidade debe renunciar a pequenos, pero importantes, praceres do día a día. Quen me lea saberá do que falo.

Todo isto foi obxecto de reflexión nos últimos meses, dun debate interno bastante filosófico, onde escoitei ao rapaz que se afiliou hai 7 anos e tamén ao home que quero ser dentro de 20. Como ourensán sempre crecín baixo a lenda negra de que non temos futuro, nin na nosa terra nin no país. Unha cidade en medio dun deserto atravesada pola A-52. Lamentablemente, gústame escribir o meu destino, non que mo escriban.

Secretaría Xeral de Xuventudes Socialistas de Galicia

Por iso decidín presentarme á Secretaría Xeral de Xuventudes Socialistas de Galicia, para recuperar a organización que me axudou a medrar, para que tamén o faga con máis rapaces e rapazas que queiran escribir as páxinas do futuro sen vergoña, sen medo ao que pensen os demais. Unha organización sen barreiras á creatividade e ao idealismo da xente. Que nos atrevamos a mirar ao PSdeG de fronte, cando sexa preciso, con debates incómodos dos cales sairemos reforzados. Cómpre falar da luz; do modelo de transición enerxética; de que os nosos problemas non se solucionan só con cheques e bonos; que o país vai máis aló da AP-9; de modelo territorial autonómico que queremos; da sexualidade; do alcohol, do xogo, da saúde física e mental…

Non nos imos calar. A miña xeración non pode agardar máis e entre os meus defectos está o de levantar a voz cando é preciso e comprometer a quen sexa para lograr os nosos retos, para dar unha resposta aos problemas, algo que algunha que outra vez xerou incomodidades, mais nunca nos freou. Somos unha onda que ten o poder de non renderse, e non somos débiles. Por qué?

Porque facemos aquelo no que cremos.

Xurxo Doval Blanco, secretario xeral de Xuventudes Socialistas de Ourense.

Escuela de Música en Ourense

Publicaciones relacionadas

Deja una respuesta

Tu dirección de correo electrónico no será publicada.

Botón volver arriba