As Festas de Barrocás, que se celebran do 4 ao 6 de abril, provocarán cortes e restricións de tráfico durante toda a fin de semana.
As afectacións terán especial impacto na rúa Chano Piñeiro, onde estará instalado o escenario, e no acceso aos números 2 e 4 desde a rúa Serra do Eixe.
Cortes de tráfico en Barrocás polas Festas do 4 ao 6 de abril
Durante estes tres días, Chano Piñeiro disporá dun carril en sentido contrario ao habitual, ademais dun cambio de sentido á altura do paso de peóns do número 6. Ademais, estará prohibido estacionar ao longo de toda a vía.
Horarios das restricións
Venres, 4 de abril
- Desde as 17:00 h, corte de acceso desde a rúa Serra do Eixe aos números 2 e 4 de Chano Piñeiro.
- A circulación permitida ata as 22:00 h.
- Peche total dos accesos de 22:00 a 4:30 h.
Sábado, 5 de abril
- Desde as 10:00 h, corte de acceso desde a rúa Serra do Eixe.
- A circulación permitida ata as 19:00 h.
- Peche total dos accesos de 19:00 a 4:30 h.
Domingo, 6 de abril
- Desde as 14:00 h, corte de acceso desde a rúa Serra do Eixe.
- A circulación permitida ata as 17:00 h.
- Peche total dos accesos de 17:00 a 22:00 h.
Modificación en autobuses urbanos
Desde o venres 4 ata o luns 7 de abril, as liñas de autobús urbano que circulan por Chano Piñeiro terán a súa cabeceira na rúa Carlos Velo. Ademais, a liña 4 (Barrocás – Residencia – Covadonga) modificará o seu percorrido en dirección ao centro polas rúa Serra de San Mamede e Ramón Puga.