Luar Na Lubre actuará este sábado, 1 de agosto, no Mosteiro de Santa María de Montederramo, nun concerto que forma parte da xira conmemorativa do 40 aniversario da banda galega.
A actuación comezará ás 20.30 horas e reunirá ao público nun dos espazos patrimoniais máis destacados da provincia de Ourense.
Luar Na Lubre celebra o seu 40 aniversario cun concerto en Montederramo
A xira ‘LUBRE-40 aniversario’ percorre escenarios emblemáticos de España e do estranxeiro para celebrar catro décadas de traxectoria dun dos grupos de folk máis recoñecidos de Europa. O percorrido reafirma a proxección internacional da formación, considerada un referente da música tradicional galega.
As entradas para o concerto, con prezos desde 27 euros, poden adquirirse na plataforma Ataquilla e tamén na Oficina de Turismo de Montederramo.
Ao longo destes corenta anos, Luar Na Lubre publicou 20 traballos discográficos cos que superou os 350.000 discos vendidos. Tamén conseguiron dous Discos de Ouro, nove Premios da Música e foi distinguido coa Medalla Castelao 2025.
A banda tamén acumula unha ampla traxectoria internacional, con máis de 2.500 concertos en máis de 60 países. Compartiron escenario con artistas como Mike Oldfield, The Waterboys, The Corrs, Víctor Manuel, Miguel Ríos, Luz Casal, Ismael Serrano, Pedro Guerra ou Diana Navarro.
Na actualidade, a formación está integrada por Bieito Romero, Nuria Naya, Patxi Bermúdez, Pedro Valero, Xavier Ferreiro, Xan Cerqueiro, Brais Maceiras, Cristina López e Bieito Romero Diéguez.