O delegado da Xunta en Ourense, Manuel Pardo, reuniuse coa presidenta da Asociación Tourette de Galicia (ATNSASTG), María Domínguez, para coñecer o traballo que desenvolve a entidade coas persoas afectadas por este trastorno neurolóxico e as súas familias.
Manuel Pardo coñece o labor da Asociación Tourette de Galicia
Durante o encontro, no que tamén participaron membros da directiva, Pardo felicitou á asociación polo seu labor de sensibilización, divulgación, acompañamento e orientación.
O delegado trasladou tamén o apoio da Administración autonómica ás iniciativas deste colectivo, que traballa para mellorar a calidade de vida das persoas con síndrome de Tourette e avanzar cara a unha Galicia máis inclusiva.
Este trastorno adoita manifestarse durante a infancia e caracterízase pola presenza de tics motores e vocais involuntarios.
