O PSOE de Ourense pide un pleno extraordinario para solucionar o problema das axudas ás entidades sociais entre as que se atopan «Renacer», «Alcer» ou «Amencer».
A resolución das axudas a entidades sociais que concede o concello de Ourense mostrou unha larga lista de entidades que non recibirán ningunha achega económica. Estas entidades, a pesares de cumprir os requisitos recollidos nas bases non recibirán a subvención por non dispor de crédito orzamentario suficiente.
O PSOE pide un pleno extraordinario para solucionar as axudas ás entidades sociais
Desde o goberno municipal anunciaron que modificarían as bases das próximas convocatorias para que este problema non se repetise.
O grupo socialista do concello de Ourense expón que esta problemática débese a «inadecuada priorización e falta de previsión do alcalde Jácome». As once entidades sociais que non recibirán axuda prestan un importante servizo no concello. «O concello ten a obriga de emendar o prexuízo económico causado a estas asociacións que se atopan nunha situación de total inseguridade logo de que se lles denegasen as axudas coas que contaban para desenvolver o seu labor».
A solución de urxencia que propón o grupo socialista é a celebración dun pleno extraordinario onde se aprobe unha modificación de crédito que permita reparar este erro.