O Concello de Ourense anunciou a convocatoria do concurso da Festa dos Maios 2025, que terá lugar o domingo 4 de maio.
A Concellería de Artes e Festexos incrementou este ano tanto a contía dos premios como as axudas por participar.
Ourense celebra a Festa dos Maios 2025 con novos premios e axudas
O certame contará con seis categorías:
- Premio Maio Artístico: 1º Premio de 1.000 €, 2º Premio de 800 € e 3º Premio de 600 €.
- Premio Maio Enxebre: 1º Premio de 700 €, 2º Premio de 500 € e 3º Premio de 400 €.
- Premio Maio Creativo: Un único premio de 500 €.
- Premio Maio Infantil: 1º Premio de 500 €, 2º Premio de 300 € e 3º Premio de 200 €.
- Premio Mellores Coplas de Persoas Adultas: 1º Premio de 500 €, 2º Premio de 300 € e 3º Premio de 200 €.
- Premio Mellores Coplas Infantis: 1º Premio de 500 €, 2º Premio de 300 € e 3º Premio de 200 €.
Ademais, todos os maios participantes no concurso recibirán unha axuda de 400 €.
As inscricións deberán formalizarse no Rexistro Xeral do Concello mediante un formulario dispoñible na web municipal ou na Área de Artes e Festexos, situada no Auditorio Municipal. No caso de entidades ou asociacións, a inscrición realizarase a través da sede electrónica. O prazo de inscrición finaliza o martes 28 de abril ás 14:00 horas, sen posibilidade de prórroga.