Rosalía de Castro non terá ningún acto conmemorativo en Ourense que recorde a súa figura na xornada na que se celebra o seu nacemento o 23 de febreiro de 1837.
No ano 2014, a instancia do BNG, «o concello de Ourense comprometeuse a celebrar anualmente o día de Rosalía, declarado actualmente o 23 de febreiro», recorda a concelleira Rhut Reza.
Rosalía de Castro non terá ningún acto en Ourense

A pesares dese compromiso, dende o grupo municipal do BNG no Concello de Ourense denuncian a ausencia de actos relacionados con esta celebración «amosando unha vez máis un profundo desprezo pola cultura propia do país». Recorda Rhut Reza que «dende o inicio de mandato, primeiro co goberno PP-DO e agora co goberno de DO en solitario, rompeuse o compromiso adquirido e desde a institución nada se fai para dignificar a obra da artífice da recuperación lingüística e literaria do noso país».
