A oficina de turismo de Monterrei organiza unha ruta guiada o sábado 17 de maio que conectará a localidade de Vilaza co histórico Balneario de Requeixo, situado á beira do río Bubal.
Esta iniciativa pretende poñer en valor o patrimonio cultural e natural desta zona do concello de Monterrei.
Unha ruta guiada conecta Vilaza e o Balneario de Requeixo
O percorrido, cunha duración estimada de dúas horas, comezará e rematará na Alameda de Vilaza. A saída está prevista para as 11:00 horas e incluirá paradas interpretativas en puntos destacados, como o pasado histórico de Vilaza e Lobarzán ou a importancia do Balneario de Requeixo na memoria termal da comarca.
Esta actividade é gratuíta, mais precisa de inscrición previa chamando ao número da oficina de turismo de Monterrei. A ruta require un mínimo de dez participantes e o prazo para anotarse remata o 16 de maio.
Esta proposta é unha nova oportunidade para veciñanza e visitantes de descubrir o rico legado que alberga o val de Monterrei, entre natureza, historia e termalismo.