Serxio María Rodríguez Álvarez (Ourense, 1966) presenta o seu libro «O Pensamento Político de Ramón Piñeiro« no Liceo de Ourense.
O acto terá lugar neste importante espazo cultural da cidade de Ourense o sábado, 2 de marzo, a partir das 12h.
Serxio María Rodríguez presenta o seu libro no Liceo de Ourense
Serxio María Rodríguez, autor do libro, estará acompañado por Håkan Casares, lingüista e conselleiro da Editorial Galaxia e do escritor e historiador Xosé Ramón Quintana Garrido.
Tras cursar os estudos de Dereito e Ciencias Políticas, Serxio María Rodríguez realizou estudos de posgrao en Historia Contemporánea. A Historia Política e dos Nacionalismos foi a especialidade na que centrou o seu estudo. Como investigador, a súa labor céntrase na historia dos nacionalismos, o pensamento político, historia das institucións, identidades e personalidades.
Presentación do libro «O pensamento político de Ramón Piñeiro»
Trala presentación no Liceo de Ourense, Serxio María Rodríguez realizará outros actos en diversos puntos de Galicia. Entre os que xa están confirmados están:
- 2 de marzo – Ourense
- 15 de marzo – Allariz
- 10 de abril – Lugo
- 13 de abril – Vigo
- Abril (sen data) – Santiago e Pontevedra
- Maio (sen data) – A Coruña, Ferrol, Láncara e Monterroso
- Xuño (sen data) – A Estrada, Xinzo de Limia e Celanova
- Xullo (sen data) – Calvos de Randín e Chantada
