Os Roadrunners levan blues ao Liceo este venres 29 de maio ás 20:00 h no escenario do Salón Noble do Liceo, cun concerto protagonizado por Jeff Espinoza e Ramón Arroyo.
O dúo, formado por Jeff Espinoza e Ramón Arroyo, ofrecerá un repertorio centrado na chamada Americana, un estilo que mestura blues rural, folk, country, bluegrass de influencia irlandesa e swing, entre outros sons de raíz.
Concerto de Roadrunners no Liceo de Ourense
No seu directo combínanse versións de referentes como Bob Dylan ou B.B. King con composicións propias.
Ambos músicos comparten unha longa traxectoria conxunta de máis de trinta anos desde que se coñeceron, con proxectos como Flying Gallardos, Gypsy Runner ou Red House, ademais de múltiples colaboracións con artistas internacionais de primeiro nivel. Este verán chegaron a abrir o concerto de Jackson Browne en Madrid.
Espinoza, nacido en Los Ángeles, desenvolveu boa parte da súa carreira en España, mentres que Arroyo é un dos músicos máis activos do panorama estatal, integrante de Los Secretos desde 1986 e colaborador habitual de numerosos proxectos de rock e pop.