A empresa ourensá Solgaleo Energía reforza a súa expansión nacional tras completar a triple certificación internacional ISO 14001, ISO 9001 e ISO 50001, centradas na xestión ambiental, a calidade e a eficiencia enerxética.
A compañía conta cunha carteira de oportunidades comerciais superior aos 8 millóns de euros, vinculada a proxectos de enerxías renovables, descarbonización industrial, climatización eficiente e infraestruturas enerxéticas.
Solgaleo Energía completa tres certificacións ISO e supera os 8 millóns de euros en oportunidades comerciais desde Ourense.
O director xeral, Germán Rodríguez-Saá, destaca a profesionalización da empresa e a súa capacidade para asumir proxectos de maior dimensión. Solgaleo mantén a súa sede en Ourense, desde onde coordina a actividade en diferentes puntos de España.
