O BNG pide impulsar a ampliación do túnel de Ramón Puga durante a visita do Deputado Nestor Rego e garante o inicio da obra si acadan o goberno municipal.
Fai meses que está firmado un convenio entre o concello de Ourense e ADIF para realizar obras de mellora nos túneles de Ramón Puga e na ponte de Tarascón.
O BNG pide impulsar a ampliación do túnel de Ramón Puga
En ambos casos, os traballos inclúen a mellora da permeabilidade no túnel. En Ramón Puga, o paso inferior será ensanchado para mellorar a seguridade viaria dos vehículos que circulan polo lugar. Tamén está prevista a construción de beirarrúas nun proxecto que ascende a 709.224,22 euros.
Na rúa Tarascón, a actuación é sobre a ponte que existe sobre a vía do tren. A ampliación desta vía terá un custe de 463.287,20 euros.
Luís Seara, candidato á alcaldía de Ourense, mostra a súa preocupación por que o concello «non se teña preocupado por esta cuestión e non teña esixido o cumprimento do convenio, e en consecuencia, impulsado a execución das obras á maior brevidade posible, algo que mudará a partir do domingo, cando a fronte do Concello haxa un alcalde do BNG».