A oficina de rehabilitación do concello de Ourense queda sen persoal segundo recolle a nova Relación de Postos de Traballo.
O grupo municipal do BNG destaca que non se contempla ningún posto de traballo para esta oficina na modificación da RPT.
A oficina de rehabilitación queda sen persoal
«No organigrama non aparece nada relativo a Oficina de Rehabilitación, mesmo cando a propia Lei indica que esta deberá contar con todos os medios materias e persoais adecuados para poder desenvolver a súa actividade. Isto, lamentablemente, é a constatación do que nós víñamos avisando» indica Luís Seara, portavoz nacionalista.
Lembra Seara a importancia dunha oficina de rehabilitación que foi fundamental na recuperación do núcleo de Seixalbo, a captación de subvencións para a rehabilitación e adaptación de vivendas ou o programa ARIS.
Preguntan desde o BNG onde van ir os 800.000 euros que se ían destinar á rehabilitación dun edificio para acoller esta oficina de rehabilitación. Tamén cuestionan a decisión de solicitar a declaración da Área Rexurbe sabendo que non ía ter oficina de rehabilitación.
