A Comisión de Pleno do Concello de Ourense reuniuse esta mañá en sesión extraordinaria e activou o prazo oficial de dez días para que os grupos políticos municipais presenten emendas ao proxecto de orzamento municipal para 2025.
A data límite será o luns, 7 de xullo.
Ourense abre prazo de emendas ao orzamento municipal de 2025
O documento orzamentario, que foi aprobado pola Xunta de Goberno Local o pasado 19 de xuño, ascende a 116.342.988,82 euros e inclúe tanto o orzamento do propio Concello como o do Consello Municipal de Deportes, ademais das bases de execución e os anexos de persoal.
Este trámite é parte do proceso regulado polo Regulamento Orgánico do Concello, e permite aos distintos grupos políticos propoñer modificacións ou alternativas antes da súa votación definitiva no pleno.
