O Concello de Ourense sumouse á campaña «Panos brancos contra a droga 2025«, promovida pola FEGAMP.
A lectura dun manifesto tivo lugar durante o acto institucional que tivo lugar no salón de plenos e contou coa presenza de representantes de todos os grupos políticos municipais.
Ourense únese á campaña «Panos brancos contra a droga 2025»
A concelleira de Saúde, Noa Rouco, foi a encargada de dar lectura ao manifesto aprobado pola Federación Galega de Municipios e Provincias, no que se manifesta o compromiso das entidades locais coa prevención do consumo de drogas e co apoio ás persoas e familias afectadas.
A campaña, promovida en colaboración con múltiples colectivos sociais, entidades e institucións, busca visibilizar o problema das adiccións e promover a conciencia social arredor do 26 de xuño, Día Internacional contra o Uso Indebido e o Tráfico Ilícito de Drogas, proclamado pola ONU.
Esta iniciativa, que utiliza o símbolo do pano branco como expresión de solidariedade e esperanza, busca reforzar o papel das administracións locais como axentes clave na loita contra as drogodependencias, mediante políticas de prevención, apoio e inclusión.
