O PSdeG de Ourense celebrou esta tarde na súa sede un acto institucional con motivo do Orgullo 2025, no que se realizou o tradicional izado da bandeira LGTBI+ e a lectura do manifesto reivindicativo.
A formación socialista quixo así reafirmar o seu compromiso coa igualdade, a diversidade e os dereitos do colectivo LGTBI+.
O PSdeG de Ourense celebra o Orgullo 2025 cun acto institucional
No evento participaron representantes orgánicos do partido e das Xuventudes Socialistas.
Entre eles, estiveron presentes Natalia González, secretaria xeral da agrupación municipal; Olalla Meiriño, secretaria de Benestar Social da Comisión Executiva Provincial; Xurxo Doval, vicesecretario da Comisión Executiva Municipal; Borja López, coordinador provincial das Xuventudes Socialistas; e Miguel Gómez, secretario xeral das Xuventudes Socialistas na cidade.
Durante a lectura do manifesto, destacouse o papel do PSOE na conquista de dereitos fundamentais como o matrimonio igualitario e alertouse contra os retrocesos e discursos de odio que ameazan a convivencia e a liberdade afectivo-sexual.
