As festas patronais de Cabeza de Vaca obrigarán ao peche ao tráfico da rúa Castelo Ramiro esta semana.
Segundo informa a Policía Local do Concello de Ourense, a circulación permanecerá cortada desde a rúa Enxido até a estrada de Piñor os días xoves 10 e venres 11 de xullo, a partir das 17:15 horas, e ata que rematen as actuacións musicais e se desmonten os palcos.
Corte de tráfico pola celebración das festas de Cabeza de Vaca
Como vías alternativas, o tráfico que veña da estrada de Piñor poderá circular pola rúa Cabeza de Vaca, mentres que o que acceda desde Castelo Ramiro poderá desviarse pola rúa Enxido.
Así mesmo, a rúa Gramalleira quedará habilitada para as persoas residentes na zona.
A Policía Local recomenda planificar os desprazamentos con antelación para evitar retencións e agradece a colaboración da cidadanía durante os festexos.
