O presidente da Confederación Hidrográfica do Miño-Sil (CHMS), José Antonio Quiroga, e o alcalde de Vilar de Barrio, Manuel Conde, visitaron as obras de saneamento que o organismo de conca está a executar no municipio.
A actuación supón unha mellora substancial no tratamento das augas residuais e na protección ambiental do río Arnoia.
La CHMS invierte casi 700.000 euros en nuevas depuradoras en Vilar de Barrio
O proxecto, dividido en dúas fases, contempla a instalación de oito pequenas depuradoras compactas. Na primeira fase, xa finalizada, construíronse seis —situadas en O Folón2, Eirexa, Arnuide2, Cancillós, Aldea Arriba e Aldea Abaixo—. Estas contan cun deseño adaptado ao número de habitantes de cada núcleo, o que permite optimizar o mantemento e a explotación das instalacións.
Actualmente está en marcha a segunda fase, que inclúe a execución doutras dúas depuradoras, O Folón1 e Arnuide1, cuxa finalización está prevista para a primeira semana de decembro. Ademais, o proxecto abrangue a demolición dos antigos equipos de depuración situados no dominio público hidráulico do río Arnoia e na súa zona de servidume.
As actuacións supoñen un investimento global de preto de 700.000 euros. 430.663 € corresponden ás obras xa executadas e 268.620 € ás actualmente en curso.
Segundo Quiroga, estas intervencións representan “unha mostra máis da colaboración e do compromiso institucional da CHMS cos gobernos locais, administración responsable do saneamento, co obxectivo de coidar, preservar e mellorar a calidade das augas dos nosos ríos”.