A programación de actividades do Magosto 2025, organizada polo Concello de Ourense, implicará restricións de tráfico no centro da cidade o vindeiro martes, 11 de novembro.
As medidas comezarán a aplicarse a partir das 12:00 horas, cando se pechará ao tráfico a rúa do Progreso, no tramo comprendido entre a glorieta de San Rosendo e a baixada á Alameda.
O Magosto 2025 obrigará a cortar o tráfico en varias rúas do centro de Ourense
A partir das 17:00 horas, a Praza Maior tamén quedará pechada, e media hora máis tarde, ás 17:30 horas, será a quenda da rúa Parada Justel, coincidindo co inicio das actividades principais do Magosto.
Itinerarios alternativos dos autobuses urbanos
Durante o peche da rúa do Progreso, os autobuses urbanos modificarán os seus percorridos habituais.
- Os vehículos en dirección ao Xardín do Posío circularán por Xoán XXIII (Abanca) – Rúa Concello – Bedoya – Avenida de Bos Aires – Xoán de Nóvoa – Pardo Bazán e Peña Trevinca.
- Os que vaian en dirección ao Parque de San Lázaro farano por Xardín do Posío – Alameda – Doutor Fleming – Parada Justel – Progreso (parada provisional no Inorde) – Xoán XXIII – Parque de San Lázaro.
- Desde o inicio das actuacións (arredor das 17:30 horas), este itinerario adaptarase de novo, pasando por Xardín do Posío – Peña Trevinca – Avenida da Habana – Parque de San Lázaro.
Ademais, coa Praza Maior pechada desde as 17:00 horas, a Liña 15 (Praza Maior – Termas de Outariz) trasladará a súa parada de saída ao Parque de San Lázaro.
O Concello recomenda á cidadanía planificar con antelación os desprazamentos e facer uso do transporte público, especialmente durante a tarde, cando se prevé unha grande afluencia de persoas nas rúas do centro para celebrar a festa do Magosto.