Ourense rende homenaxe ás vítimas do sinistro ferroviario de Adamuz. O subdelegado do Goberno en Ourense, Eladio Santos, trasladou este martes as súas condolencias aos familiares e persoas achegadas das vítimas do accidente ferroviario ocorrido en Adamuz (Córdoba) durante a pasada noite.
Santos desexou a pronta recuperación das persoas feridas nesta traxedia.
Minuto de silencio en Ourense polo sinistro ferroviario de Adamuz
As declaracións realizounas no acto celebrado este mediodía na Subdelegación do Goberno en Ourense, onde empregados e empregadas da Administración Xeral do Estado gardaron un minuto de silencio en memoria das persoas falecidas no sinistro.
Segundo informou a Subdelegación, o xesto responde á vontade de expresar o pesar institucional polos feitos e a solidariedade coas familias afectadas. Ademais, tras a declaración de loito oficial polo Goberno de España, as bandeiras da Subdelegación do Goberno en Ourense ondearán a media hasta como sinal de dó.
