Ourense vístese de lunares coa chegada de “La Feria del Paripé” ao Campo da Feira o 30 de maio, unha cita que combinará tradición, música e ambiente de tardeo ás beiras do Miño.
O emblemático Campo da Feira converterase nun gran recinto festivo desde as 17:00 h ata a 1:00 h, cunha programación que aposta pola fusión entre a esencia das feiras andaluzas e os ritmos máis actuais.
Ourense vístese de lunares coa Feira do Paripé
A proposta conta coa colaboración do Concello de Ourense e busca reforzar a oferta cultural e de lecer da cidade en primavera.
Un tardeo con identidade propia
Baixo unha estética coidada e chea de cor, “La Feria del Paripé” presenta oito horas ininterrompidas de música e convivencia. A organización define o evento como unha experiencia pensada para quen quere gozar do tardeo con máis arte.
A programación musical estrutúrase en dous grandes bloques:
- Esencia flamenca: rumba en directo e sevillanas tradicionais recrearán a atmosfera típica das feiras.
- Éxitos actuais: Top Hits e reguetón garantirán que o ritmo non baixe ao longo da tarde e da noite.
Deste xeito, a iniciativa pretende atraer públicos diversos, desde amantes dos sons máis clásicos ata seguidores das tendencias musicais actuais.
Un escenario privilexiado xunto ao Miño
A elección do Campo da Feira responde ao seu valor simbólico e á súa amplitude. Situado nas beiras do río Miño e coa Ponte do Milenio como pano de fondo, o espazo ofrece un marco aberto e icónico para unha celebración ao aire libre que mestura tradición e modernidade.
Estaa xornada aspira a converterse nun dos eventos de referencia da primavera en Ourense.