A exposición ‘Presas e Mestras. A represión sobre as mulleres na comarca de Celanova’ chega ao Centro Sociocultural do Picouto, en Ramirás, onde poderá visitarse do 27 de xullo ao 7 de agosto, con entrada libre e gratuíta.
Impulsada polo Comité de Memoria Histórica da Comarca de Celanova, a mostra recupera a historia das mulleres represaliadas durante a Guerra Civil e a ditadura franquista.
«Presas e Mestras» chega a Ramirás para recuperar a memoria das mulleres represaliadas
A itinerancia busca achegar esta memoria aos concellos da comarca onde viviron moitas das súas protagonistas.
Comisariada por Rosa Cid Galante, a exposición reúne documentos, fotografías, expedientes oficiais e testemuños familiares. Estrutúrase en dous bloques: as mulleres encarceradas na prisión de Celanova entre 1936 e 1938 e as mestras depuradas pola ditadura franquista.
