O Concello de Ourense oferta 23 cursos e obradoiros para persoas adultas nos centros cívicos durante o curso 2026/2027. O prazo de inscrición abrirase o próximo 5 de outubro e permanecerá aberto ata o día 11.
A programación, impulsada pola Concellería de Asuntos Sociais, está dirixida a persoas de 18 ou máis anos empadroadas no municipio e reúne propostas relacionadas coa saúde, o benestar, a formación e o lecer.
O Concello de Ourense oferta 23 actividades nos centros cívicos
Entre as actividades figuran ioga, pilates, ioguilates, ximnasia, mantemento, fitness, zumba e bailes latinos. A oferta complétase con obradoiros de biodanza, autocoidado, adestramento da mente e empoderamento mediante a arte, así como formación dixital sobre o uso do teléfono móbil e a tramitación electrónica de documentos.
As persoas interesadas poderán solicitar un máximo de tres actividades, por orde de preferencia. Quen precise apoio para realizar a inscrición poderá acudir ao Centro Cívico Colón, na rúa Colón, 18, de 9:00 a 13:00 horas.
As actividades desenvolveranse nos centros cívicos de Colón, A Cuña, A Ponte, As Termas e Seixalbo.
