O PSdeG-PSOE de Ourense celebra a resolución do Ministerio de Vivenda que permitirá ao Concello recuperar 1,1 millóns de euros da subvención estatal destinada á rehabilitación da Praza de Abastos número 1.
As candidatas socialistas ao Congreso e ao Senado consideran que esta decisión supón un paso importante para recuperar o mercado e reclaman novos investimentos para completar a súa transformación.
O PSdeG destaca a recuperación de 1,1 millóns para a Praza de Abastos
A candidata ao Congreso, Carmen Rodríguez Dacosta, destaca que a resolución demostra o compromiso do Goberno de España coa cidade e permite recuperar uns fondos que volverán ás arcas municipais. Tamén critica as acusacións do alcalde, Gonzalo Pérez Jácome, contra o Executivo central e asegura que «non había ningunha man negra, senón un procedemento administrativo e xudicial que se resolve conforme á legalidade».
Pola súa banda, a candidata ao Senado, María Fernández Ojea, reclama aproveitar esta recuperación económica para captar novos recursos estatais que permitan completar a reforma, abrir definitivamente a Praza de Abastos, acondicionar o Rianxo e mellorar as instalacións e os postos comerciais.
