Noticias

O PSdeG destaca o aumento do emprego e dos salarios en Ourense

O PSdeG-PSOE de Ourense reivindica a evolución positiva do mercado laboral desde 2018, cun 8 % máis de afiliacións á Seguridade Social, ata superar as 111.500, e unha redución do paro rexistrado próxima ao 30 %.

As candidatas socialistas Carmen Rodríguez Dacosta e María Fernández Ojea destacaron tamén que o 71 % das persoas afiliadas teñen contrato indefinido. Tamén destacaron que as afiliacións de menores de 25 anos medraron máis dun 30 %.

O PSdeG destaca o aumento do emprego e dos salarios en Ourense

Outro dos avances que reivindica a formación é a subida do Salario Mínimo Interprofesional. Este alcanzou en 2026 os 1.221 euros mensuais en 14 pagas, fronte aos 735,90 euros de 2018. Segundo os datos do partido, máis de 13.500 persoas traballadoras da provincia benefícianse directamente desta medida.

O PSdeG destaca o aumento do emprego e dos salarios en Ourense
Foto: PSOE.

Rodríguez Dacosta defendeu que a mellora do emprego debe traducirse en estabilidade e oportunidades para a mocidade. Pola súa parte, Fernández Ojea destacou a importancia de garantir salarios dignos nunha provincia con rendas baixas.

As candidatas aseguraron que estas medidas representan unha aposta pola xustiza social e pola mellora das condicións de vida. «Detrás de cada afiliación hai unha persoa, detrás de cada contrato estable hai unha familia e detrás de cada subida salarial hai máis dignidade e máis futuro», concluíron.

Botón volver arriba