Noticias

O PSdeG destaca os investimentos estatais no turismo de Ourense

O PSdeG-PSOE de Ourense reivindica os investimentos do Goberno de Pedro Sánchez para impulsar o turismo e o termalismo como motores de desenvolvemento económico e creación de emprego na provincia.

Os socialistas destacan os 1,35 millóns de euros do Plan de Sustentabilidade Turística en Ourense Termal e os 1,32 millóns do proxecto «Ourense, cerca de ti».

O PSdeG destaca os investimentos estatais no turismo de Ourense

Tamén salientan os fondos destinados ao Ribeiro-O Carballiño, Valdeorras, Allariz e O Carballiño, así como o plan «Ourense colle velocidade, Vilas Históricas e Termais», dotado con 1,5 millóns.

O PSdeG destaca os investimentos estatais no turismo de Ourense
Foto: PSdG.

A candidata socialista ao Senado, María Fernández Ojea, afirma que estes recursos deben traducirse en oportunidades para os negocios, a hostalaría, o comercio e as pequenas empresas, chegando tamén aos concellos rurais.

Pola súa banda, o candidato Federico Pérez Mato defende unha maior planificación para aproveitar o potencial das augas termais. O PSOE propón crear un consorcio interinstitucional que coordine os investimentos e actuacións, ademais de impulsar un marco normativo para o sector.

Os socialistas tamén reclaman recuperar e mellorar os espazos termais do Miño e converter Ourense nun referente do turismo termal, combinando natureza, patrimonio, gastronomía e viño.

Botón volver arriba