O Aceites Abril Voleyourense non puido despedirse da súa afección con vitoria e caeu por 1-3 ante o CV Torrelavega no Polideportivo O Pompeo, nun encontro da 21ª xornada da Superliga 2 Feminina.
Os parciais foron 25-21, 17-25, 19-25 e 18-25.
O Aceites Abril Voleyourense cae ante Torrelavega no Pompeo
O conxunto ourensán comezou mellor e levou o primeiro set por 25-21 tras un parcial moi igualado. Porén, a partir do segundo set o equipo cántabro impuxo un ritmo máis alto de xogo e remontou o encontro cos parciais 17-25, 19-25 e 18-25.
Segundo o informe oficial, Torrelavega mostrou maior eficacia ofensiva, cun 39% de acerto en ataque fronte ao 29% do equipo ourensán, unha diferenza clave no resultado final.
A xornada tivo tamén un carácter especial para o club, xa que durante a tarde realizáronse en O Pompeo as fotos oficiais dos equipos da canteira do Club Voleibol Ourense.
Ao Aceites Abril Voleyourense só lle resta unha xornada de liga, na que visitará a pista do Grupo Covadonga para pechar a tempada.