Este domingo pola mañá terá lugar un acto de Homenaxe aos republicanos asasinados na Poza das Ras o 29 de agosto de 1936.
O Comité de Memoria Histórica da comarca de Celanova en colaboración co Concello de Verea organiza este domingo, 3 de setembro, un acto no que participarán familiares dos homenaxeados.
Acto de Homenaxe aos republicanos asasinados na Poza das Ras
A Poza das Ras foi o lugar onde foron tiroteados no ano 1936:
- Julio González Álvarez, de 25 anos, natural de Verea e mestre en Gontán (Verea);
- Amadeo López Bello, de 32 anos, natural de Carballeda de Avia e mestre en Beiro (Carballeda de Avia);
- Silvio Torres Díaz, de 23 anos, natural de Ourense, chofer de profesión e veciño do Couto (Ourense); e
- Eloy Romero Luis, de 28 anos, natural de Vilardevós e farmacéutico en Leiro, que fora presidente do Colexio de Farmacéuticos de Ourense.
Durante o acto intervirán familiares das vítimas, José Antonio Pérez, alcalde de Verea, e Celia Inés feijóo, presidenta do Comité de Memoria Histórica da comarca de Celanova.
