José Ramón Gómez Besteiro garante que «non haberá ningún neno sen pediatra no Carballiño» durante un mitin celebrado na vila.
O candidato socialista á presidencia da Xunta de Galicia participou nun acto electoral acompañado polo alcalde, Francisco Fumega, e a cabeza de lista por Ourense, Carmen Dacosta.
Besteiro garante un pediatra no Carballiño
«Comprométome a que non haberá ningún neno sen pediatra no Carballiño, en Ourense, nin en toda Galicia» foi a principal promesa de Besteiro durante o acto.
Durante a súa intervención, Besteiro sinalou que «a forma de loitar contra o reto demográfico é con máis e mellor sanidade pública, de proximidade, con educación pública e non pechando 1 de cada 10 colexios na última década, con promoción de vivenda e con impulso da economía para crear emprego».
