A Agrupación Cultural Avantar entregará o vindeiro 24 de outubro o III Premio Ernesto Atanasio, coñecido como «O Corcheiro», ás escolas Semente, en recoñecemento ao seu labor educativo integramente en galego.
O acto celebrarase ás 19:30 h no salón de actos do Casino do Carballiño e contará coa presenza de representantes das escolas premiadas.
Avantar recoñece o ensino en galego co premio Ernesto Atanasio
A entrega do galardón incluirá unha actuación musical a cargo de Sergio Tannus e Marta Bravo. Con este recoñecemento, Avantar destaca o traballo das escolas Semente na defensa e promoción da lingua galega no ámbito do ensino.
