O Auditorio Municipal de Ourense acolle este venres ‘Canto Xeral’, a obra baseada nos textos de Pablo Neruda e musicada por Mikis Theodorakis.
A cita será o 24 de abril ás 20:00 h, con acceso libre ata completar o aforo.
‘Canto Xeral’ chega ao Auditorio con entrada gratuíta
O Coro do Canto de Quimper, cidade irmandada con Ourense, protagoniza a actuación baixo a dirección de Pierre-Emmanuel Clair, con corenta voces e acompañamento de piano e percusión.
A obra ofrece un percorrido épico pola historia dos pobos de América, combinando forza, emoción e lirismo. A actuación reforza os vínculos culturais entre ambas cidades.
