O Ourense Atletismo sumou catro medallas nos Campionatos de Galicia Sub10 e Sub12, celebrados esta fin de semana nas pistas de Elviña, na Coruña.
Na categoría sub10, Maeloc Barreiro brilou cunha prata nos 500 metros (1:33.13) e un ouro na lonxitude (3,82 m).
Catro medallas para o Ourense Atletismo en Elviña
Alejandro Cid logrou un bronce nos 1.000 metros (3:39.16). O relevo 4×50 masculino, formado por Martín Gómez, Maeloc Barreiro, Enzo Blanco e Saúl Carril, proclamouse campión cun tempo de 32.58.
Na categoría sub12, aínda que non houbo medallas, destacaron o cuarto posto de Marta Domínguez na altura (1,20 m), o sexto posto de Álex Cid nos 500 (1:31.91).
O conxunto de 4×60 masculino, composto por Álex Cid, Rodrigo Cordero, Francisco Carballo e Zeus Pérez, acadou o quinto posto cun tempo de 36.75.
Moitos destes atletas están no seu primeiro ano da categoría, factor determinante a estas idades.
