O Concello de Ourense remitiu o 12 de agosto á Xunta de Galicia a cumprimentación do informe previo á aprobación definitiva (IPAD) do Plan Xeral de Ordenación Municipal (PXOM), co obxectivo de avanzar na súa tramitación.
O documento dá resposta ás correccións e emendas sinaladas pola Dirección Xeral de Urbanismo no informe emitido o 13 de xuño de 2025. Estas modificacións son necesarias para poder obter un informe favorable e continuar co procedemento de aprobación do planeamento.
O Concello remite á Xunta as correccións do PXOM
Durante os últimos meses celebráronse xuntanzas de traballo coa Dirección Xeral de Urbanismo, nas que participaron o equipo redactor, o concelleiro delegado de Urbanismo, Francisco Lorenzo, e técnicos municipais. Nestes encontros analizáronse os cambios necesarios no documento.
A documentación definitiva foi presentada polo equipo redactor o pasado 31 de xullo de 2026. Posteriormente, os técnicos municipais do Servizo de Planeamento e Xestión Urbanística validaron o contido e a Concellería de Urbanismo aprobou a súa remisión á Xunta.
Con esta entrega, o Concello completa o proceso de resposta ao IPAD e avanza cara á aprobación definitiva do PXOM polo pleno municipal, unha vez cumpridos os trámites legais correspondentes.
