O ano 2025 comezará cun concerto de Aninovo na localidade de Seixalbo no que participarán varias agrupacións e músicos locais.
Esta actividade forma parte da programación de Nadal en Seixalbo que organizan a Asociación Veciñal San Breixo, a Parroquia de Seixalbo e a Asociación Cultural Agromadas.
Concerto de Aninovo en Seixalbo
A cita con este evento musical será o día seis de xaneiro ás 19h na igrexa parroquial. As actuacións previstas inclúen a actuación do Coro Parroquial, dirixido por Dna. María Luísa Nóvoa, e Cantigas do Seixo, dirixido por D. Manuel Herminio Iglesias.
Tamén forman parte do programa a pianista Salomé Garrido Fernández, o guitarrista Manuel Herminio Iglesias e o trompetista Hugo Kalfon Fernández.