O Rallye de Ourense 2025 obrigará a realizar cortes, desvíos e restricións de tráfico no centro da cidade desde o xoves 12 até o sábado 14 de xuño.
Os cambios afectarán ao centro urbano, con cortes en rúas principais e modificacións nas liñas de autobuses
Cortes e desvíos en Ourense polo Rallye 2025
O Rallye de Ourense 2025, que instalará o seu parque pechado na contorna do Parque de San Lázaro, traerá importantes alteracións no tráfico e no transporte urbano da cidade entre o xoves 12 e o sábado 14 de xuño.
Os cortes de tráfico comezarán o xoves 12, entre as 17:00 e as 23:59 horas, e continuarán desde o venres 13 ás 18:00 até o sábado 14 ás 23:00 horas.
Modificacións no tráfico rodado
- Avenida da Habana (entre Manuel Pereira e Curros Enríquez):
Anúlase o carril esquerdo para facilitar a entrada dos vehículos ao parque pechado. Os outros dous carrís manteranse operativos: o central para seguir pola Habana e o dereito para virar a Curros Enríquez. - Avenida da Habana (entre Xoán XXIII e Curros Enríquez):
Establecerase dobre sentido de circulación. Os vehículos xerais empregarán o carril dereito, agás autobuses e vehículos das categorías M, N e O, que deberán continuar en sentido descendente. Habilitarase unha parada provisional diante do supermercado Froiz. - Rúa Curros Enríquez (entre Habana e Xocas):
Peche total ao tráfico xeral. Só se permitirá o acceso ao vao existente. - Rúa Curros Enríquez (entre Habana e Samuel Eiján):
Anúlase o carril esquerdo na zona próxima á intersección para permitir o xiro dos autobuses cara ao carril dereito sen invadir o sentido contrario. - Rúa Xoán XXIII (entre Concello e Habana):
O tráfico cara ao Parque de San Lázaro desviarase pola parte traseira da Subdelegación do Goberno. Os vehículos que circulen pola rúa Concello deberán virar á dereita cara ao centro.
