O concello de O Irixo recupera a Feira do Tellado que se celebrará o vindeiro domingo, 17 de xullo, cun programa variado de actividades.
A Feira do Tellado debe o seu nome a un lugar da parroquia de San Cosmede de Cusanca. Para recuperar esta feira, o concello de O Irixo conta coa colaboración do Inorde, a Xunta de Galicia e a Deputación provincial de Ourense.
Feira do Tellado en O Irixo
Orixinalmente, este mercado contaba cunha variada oferta de produtos entre os que destacaba a venda de gando. Na edición de 2022, a feira terá un contido gastronómico, informativo, lúdico e musical. O INORDE participa, entre outras cousas, cunha exposición de gando de razas autóctonas.
Animación musical, sorteos e premio para a mellor vestimenta que reflicta épicas antigas converterán a xornada nun atractivo evento.
Programa da Feira do Tellado
- 10:00 h. Saída ruta cabalar.
- 11:00 h. Apertura da feira.
- 14:00 h. Xantar popular.
- 15:00 h. A Lenda das Meigas.
- 17:00 h. Competicións ecuestres.
- 19:30 h. Entrega de premios.
- 20:00 h. Representación Cañaveral de pasión
