Desde o grupo municipal do PSdeG-PSOE instan a eliminar un punto negro da carretera OU-0305 no concello de Ribadavia ó seu paso pola localidade de Foz.
A moción presentada polo grupo socialista solicita que o concello traslade á titular da estrada, a Deputación de Ourense, a necesidade de eliminar este punto de continuos accidentes.
Instan a eliminar un punto negro en Ribadavia
«Os vehículos accidentados vanse contra a parede ou contra as varandas protectoras contra o río, na maioría dos casos por derrapaxes debido ao estado esvaradío da curva por mor da choiva e o frío», indican desde o grupo socialista.
Outro motivo de preocupación é a constante presenza de peregrinos que realizan o camiño Ribeiro Miñoto. «A situación agrávase cando os vehículos perden o control e desprázanse contra as varandas, xa que ao non existir beirarrúas ou outro elemento protector en 15 metros, os peóns atópanse nunha situación de máximo risco».