Ante a proximidade do Día do Libro, mostramos a lectura que recomenda Marta Bravo, directora do Estudio Repenica.
Ourensenarede pediulle que nos recomendase un libro que poida ser de interese para outras persoas e que nos indicase as razóns polas que o recomenda.
O Día do Libro é unha celebración significativa que promove a lectura, a educación e a cultura ao redor do mundo. Esta data especial resalta a importancia dos libros como fonte de coñecemento, imaxinación e entretemento, mentres honra o legado de grandes autores e obras literarias.
A lectura que recomenda Marta Bravo
![A lectura que recomenda Marta Bravo](https://ourensenarede.com/wp-content/uploads/2024/04/52340200_10161586141255512_7786784495151087616_n.jpg)
El papel pintado amarillo, de Charlotte Perkins Gilman.
![A lectura que recomenda Marta Bravo](https://ourensenarede.com/wp-content/uploads/2024/04/71qFPhS8CHL._SL1200_-519x800.jpg)
En tan so 88 páxinas este libro conéctate dunha forma moi realista coa angustia que zumega da protagonista. Unha muller que pasa por unha depresión postparto e que se ve reducida a sobrevivir en catro paredes forradas cun papel amarillo (clave no desenvolvemento da saúde mental da muller) polos “coidados” do seu marido, de profesión médico.
Privada da súa expresión artística e da súa esencia de muller e de persoa, ten como único obxectivo recuperarse sen molestar demasiado. Igual que ocorre con Emilia Pardo Bazán e o seu “El encaje roto”, a autora é capaz de poñer de manifesto a desigualdade que afecta ás mulleres doutro século nun contexto avanzado para a súa época.
As comparacións que podemos chegar a facer co mundo actual son realmente abrumadoras. Recomendo este libro pola capacidade de pensamento que nos regala, pola empatía que xenera e que nos pode ser moi útil se queremos cambiar as desigualdades actuais.