Numerosos Libros de Agasallo repartidos en distintas localizacións de Esgos é a orixinal forma que teñen neste concello para celebrar o Día do Libro.
O venres, 19 de abril, varias caixas con libros e marcapáxinas serán depositados en varios lugares do concello para que calquera persoa os poida recoller como agasallo.
A campaña «Libros de Agasallo» pretende fomentar a lectura entre a veciñanza de Esgos mediante un doado acceso ós libros. A maiores, cada libro será «único» ó contar con mensaxes escritas e pequenos debuxos que os usuarios da biblioteca realizarán nestes días.
