A locomotora da Ponte será protagonista no próximo pleno municipal do mes de outubro ó presentar o grupo socialista unha moción para por en marcha as tarefas de restauración.
«A chegada do ferrocarril a Ourense, a mediados do século pasado, significou un antes e un despois para o progreso e a economía da cidade. E para este barrio ten un valor moi especial», indicou o concelleiro Paco Rodríguez xunto á locomotora.
A locomotora da Ponte no próximo pleno municipal
Esta máquina está situada fronte á estación de tren de Ourense desde o ano 1976 e presenta un avanzado estado de deterioro que fai preciso unha reparación. «É urxente poñer en marcha medidas para a rehabilitación dun símbolo emblemático» recordou Paco Rodríguez.
O primeiro intento por adxudicar os traballos de rehabilitación foron en 2022 ó sacar a licitación este contrato por un importe de 142.640 euros. Este proceso quedou deserto ó non presentarse ningunha oferta ó concurso. «Inmediatamente despois, o propio executivo anunciaba que se volvería adxudicar a través dun procedemento negociado e que as obras non tardarían máis de 30 días en iniciarse, algo do que 9 meses despois nada se sabe» destacou Natalia González, secretaria xeral do PSdeG en Ourense.