Luís Rodríguez Álvarez, párroco de San Pío X, recomenda a lectura dun libro que para el ten un significado especial ante a proximidade do Día Internacional do Libro o vindeiro 23 de abril.
Ourensenarede solicitoulle que nos recomendase un libro, explicase como chegou ás súas mans, que lle aportou e por que o recomenda.
Luís Rodríguez recomenda a lectura de…
«Assur», de Francisco Narla.
Estou nun club de lectura que formamos cinco amig@s. Quen me recomendou este libro foi un dos encargados da librería onde merco as miñas lecturas. A historia que se narra enganchounos dende a primeira páxina facendo unha apaixonante viaxe no tempo.
Tempos da invasión vikinga nas terras de Galicia. Assur, o neno galego vese envolto en acontecementos que o levarán ata os confíns do mundo coñecido, pero cunha soa esperanza: voltar.
Libro envolvente, emocionante e aditivo.
Luís Rodríguez Álvarez – Párroco de San Pío X