Luís Seara, candidato do BNG á alcaldía de Ourense, propón un uso deportivo da finca Santamariña para dotar esta zona da cidade de instalacións deportivas.
Desde o BNG de Ourense teñen claro que a Finca Santamariña ten que ser o pulmón verde da cidade de Ourense.
Luís Seara propón un uso deportivo da finca Santamariña
Este aproveitamento non exclúe que desde o BNG planifiquen a construción de instalacións deportivas que permitan dotar das infraestruturas necesarias ó barrio. «Apostamos pola construción dun pavillón polideportivo pero que estea adaptado á práctica de todas as variantes da ximnasia e que estea homologado para poder desenvolver nel eventos de carácter galego, estatal ou mesmo internacional», indica Luís Seara.
Ademais do Pavillón, o BNG propón a construción dun rocódromo pois «non é de recibo que dispoñamos únicamente do existente na pista central dos Remedios». A terceira proposta para a Finca Santamariña é a construción dunha piscina olímpica. «Un Concello de máis de 100.000 habitantes como é o noso non pode ter únicamente unha piscina olímpica de uso público», destaca Seara.